عايز أكتب: عايز أكتب

سلامات لكل الأصدقاء والأحباب،أيوة عايز أكتب،عايز أكتب ليه؟! عشان ما أفرقع،ويمكن عشان دي الحاجة الوحيدة اليمكن تكون ما بقروش. حأكتب أي حاجة_وحأقول على أي حاجة. حأعمل فيها إنه مافي حد شايفني وما في حد بيعرفني هنا. يا أخواننا دي كتابة بس ومافي حاجة تخوف. حأعيد الكتبته زمان_حأحوله من على الورق عشان المطرة ممكن تصب فيه وتبوظه،وممكن كمان غنماية الجيران تلقى الباب فاتح وتتغدى بيهو بالهنا والشفا. ويمكن لو المزاج بقى رايق كده والمطرة صابة كده وترمس القهوة ملانة أكتب حاجة جديدة. يمكن كمان أستلف حاجة من زول تكون عاجباني بس بعد أستأذنه. وكمان لو في حد داير يكتب معاي حبابو ألف_يا هناي دي حيا الله كتابة_جيب جيب ما في زول ماش يقطع رقبتك. إحتمال أكون عايز أكتب عشان قادر أكتب_عشان في حاجات كتييرة أنا عايزا وما قادر أصلا. قلمي ده أنا ختيته ويييين؟!!!!!!